Gizartea -
Gertakaria
Onik topatu dute Aiarako bailaran galduta zegoen emakume gaztea
Emakumeak Down sindromea dauka, igandean desagertu zen eta Kexaa herrian aurkitu dute.
erredakzioa | eitb.eus
Ertzainak onik topatu du Aiarako bailaran galduta zegoen emakume gaztea.
23 urteko emakumeak Down sindromea dauka eta igandean desagertu zen, adimen-urritasuna duten pertsonentzako zentro batetik, Menagarain.
Segurtasun Sailak jakinarazi duenez, Kexaa herriko ikastolatik hurbil topatu dute, oinez zihoala, 18:30 inguruan.
Ertzaintza igande gauean ohartarazi zuten eta orduz geroztik emakume gaztearen bila aritu dira.