Gizartea -
Eibar
Gizon bat atxilotu dute, emakume bati sexu erasoa egitea egotzita
Gertaera azaroaren 22an izan zen Eibarren. Atzo egin zuen atxiloketa Ertzaintzak.
Agentziak | Erredakzioa
Ertzaintzak 26 urteko gizon bat atxilotu zuen ostegunean Eibarren, sexu askatasunaren aurkako delitu bat egotzita, Segurtasun sailak jakitera eman dutenez.
Azaroaren 22an izan zen gertaera, goizaldeko 05:30 aldera. Biktima etxera zihoan, gizon bat hurbildu eta bidean lagundu zionean, emakumeak alde egiteko eskatu arren. Emakumea bizi den eraikineko atarira heltzean, gizonak ustez ukitu edo abusu sexualak egin zizkion. Ondoren, emakumeak gertatutakoa jakinarazi zion Ertzaintzari.
Ertzaintzak ustezko erasosailea delakoan 26 urteko gizonezko bat atxilotu zuen ostegunean. Dagozkion izapideak eginda, atxilotua epailearengana eraman dute ostiral honetan.
