Gizartea -
Gertakaria
Gizon eta emakume bat hilotz aurkitu dituzte etxean, Bazan (Granada)
Bikote baten gorpuak aurkitu ditu Poliziak, eta, lehen ikerketen arabera, gizonak emakumezkoa hil eta bere buruaz beste egin du gero.
Agentziak | Erredakzioa
Gizon eta emakume batek osatutako bikote baten gorpuak aurkitu ditu Polizia Nazionalak, Bazan (Granada). Lehen ikerketen arabera, indarkeria matxista ekintza bat izan dela uste du Poliziak.
Polizia iturriek Europa Press berri-agentziari esan diotenez, gizon baten eta emakume baten gorpuak aurkitu dituzte bikotearen etxebizitzan. Hilotzak logela desberdinetan aurkitu dituzte eta gorpuekin batera aizto bat eta eskopeta bat atzeman dituzte.
Hilda aurkitutako bikotea bitxi-denda baten jabea zen, baina Poliziak ez du uste gertakariak lapurreta batekin zerikusia izan duenik. Lehen hipotesien arabera, gizonezkoak emaztea hil du eta bere buruaz beste egin du gero. Polizia Nazionalak hartu du kasuaren ikerketa bere gain.