Gizartea -
Lan istripua
Langile bat hil da Barakaldon, aldamiotik erorita
Egoera larrian eraman dute Gurutzetako ospitalera eta erietxean hil da. Balmasedako bizilaguna zen.
AGENTZIAK | ERREDAKZIOA
Langile bat hil da Barakaldon, aldamiotik erorita. Barakaldoko Udalak ohar bidez jakinarazi duenez, Balmasedako bizilaguna zen behargina bosgarren solairutik behera erori da.
Barakaldoko Udalak doluminak eta elkartasuna helarazi dizko hildako langilearen familiari.
Lan istripua goizeko hamarrak aldera gertatu da Barakaldoko Gaudi kaleko 11. zenbakiaren parean. Oraindik argitzeke dauden arrazoiak tarteko, Gaudi kalean lanean ari zen langilea aldamiotik behera erori da.
Behargina egoera larrian eraman dute Gurutzetako ospitalera eta bertan hil da. Hildako langilea autonomoa zen.
Amaia del Campo Barakaldo alkateak Bozeramaileen Batzordea deitu bihar goizeko bederatzietarako gainerako udal taldeei ezbeharrari buruzko informazioa emateko.