Gizartea -
Eguraldia
Abisu horia gaur gauean, izozteengatik
Bereziki Araban izango dira izozteak. 00:00etatik 09:00etara izango da indarrean abisua.
AGENTZIAK | ERREDAKZIOA
Eusko Jaurlaritzak abisu horia ezarri du gaur gauerako, barnealdean izozteak eman daitezkeelako, bereziki Araban. Gauerditik asteazkeneko 09:00etara izango da indarrean abisua.
Gaur bertan, zeroz azpiko tenperaturak jazo dira Arabako hainbat tokitan. Adibidez, -1,7 ºC, Iturrietan; -1,4 ºC, Subijanan; eta -0,5 ºC, Agurainen.
Bestalde, gauerdia arte eutsi egin diote itsasoko abisu horiari, olatuak 3,5-4 metro artekoak izan daitezkeelako.
