Gizartea -
Gipuzkoa
Tolosako Ezpala Gaztetxea hustu dute
Ertzaintza 04:30ean iritsi da eta Udaltzaingoak baieztatu du horretarako agindua jaso dutela, baina ez du xehetasun gehiagorik eman. Gazte Asanbladak salatu du agindurik erakutsi gabe sartu direla.
M.G | erredakzioa
Tolosako Ezpala Gaztetxea hustu dute gaur goizaldean, Tolosako Gazte Asanbladak eta Udaltzaingoak jakitera eman dutenez.
Tolosako Gazte Asanbladak salatu du 04:30ean iritsi dela Ertzaintza gaztetxea hustera, eta inolako agindurik erakutsi gabe egin duela.
Bestalde, Udaltzaingoak baieztatu egin dio eitb.eus-i gaztetxea husteko agindua jaso dutela, baina ez du zehaztu nahi izan agindua nondik iritsi den.
Tolosako gazteek abenduaren 23an okupatu zuten Izaskunera bidean dagoen aldapan kokatutako eraikina.