Itxi

Gizartea

Bilbo

Zazpikaleetako dendariek ondo deritzote tabernen irekiera mugatzeari

Agentziak | Erredakzioa

Betiko merkataritzari on egingo diola uste dute. Bestalde, Bizkaiko ostalariek ere lokalak zabaltzea murriztearen alde daude, 'ez baitago gastu -ahalmenik' dagoeneko dauden guztientzat.

  • Bilboko Zazpikaleak. Argazkia: EITB

    Bilboko Zazpikaleak. Argazkia: EITB

Zazpikaleetako Dendarien Elkarteko presidente Unai Aizpuruk baieztatu duenez, Bilboko gune horretan ostalaritzako establezimenduek izandako garapena "nahikoa da". Bere aburuz, ostalaritzako lokalen irekiera murrizteak onura ekarriko dio betiko merkataritzari, negozio berriak zabaltzeko "erraztasun gehiago" izango baititu.

Modu horretan, Aizpuruk erreferentzia egiten dio Zazpikaleetako, Plaza Barriko eta Unamunoko 17 kaletan ostalaritzako establezimendu gehiago zabaltzen ez uzteko Bilboko Udalak hartutako erabakiari.

Bere ustetan, egingo den ostalaritzako establezimenduen irekieraren "murrizketa gogobetegarria" da, izan duen garapena nahikoa dela irizten baitio.

Hori dela eta, "saltoki bat jartzeko tokia aurkitzeko garaian, erraztasun gehiago izatea ahalbidetuko digu, eta, ondorioz, prezioaren faktorea neurri gabe ez igotzea, adibidez".

Aipatutako murriztapena Bilboko beste gune batzuetara zabaltzeko eskakizunari buruz, Aizpuruk esan du Zazpikaleek duten "arkitektura- eta turismo-ezaugarri bereziak direla-eta saturatu geunden", eta posible da egoera bera hiriko beste gune batzuetan ere gertatzea. Udalak, dagokionean, gai hori aztertu beharko du.

Bizkaiko Ostalaritzako Elkartea, neurriaren alde

Bizkaiko Ostalaritzako Elkartearen presidente Angel Gago hartutako erabakiaren alde azaldu da, "burbuila batean geundelako" eta ez dago egun dagoen lokal kopurua irekita mantentzeko adinako "gastu-ahalmenik".

Gagok adierazi duenez, Bizkaiko Ostalaritzako Elkartea era guztietako establezimenduen irekiera mugatuta egon dadila hobesten dute, "baina ez bakarrik Zazpikaleetan, baizik eta hiribilduko gune guztietan". Uste baitute establezimendu gehiegi daudela Bilbok duen biztanleriarentzat.

anleriarentzat.

anleriarentzat.

  • Bisitatuena

      Kargatzen ikusiena
      Kargatzen ikusiena