Gizartea -
Indarkeria matxista
Eraso matxista bat salatu dute Altsasun
Mugimendu feministak elkarretaratzea egin du gertatutakoa gaitzesteko.
eitb.eus
Altsasuko mugimendu feministak salatu du "eraso matxista larria" gertatu zela larunbatean herrian.
Horregatik, elkarretaratzea egin du 20:00etan, Foru Plazan, erasoari "erantzun soziala emateko".
EiTBk jakin duenez, biktimak salaketa aurkeztu zuen Guardia Zibilean, eta berehala gizon bat atxilotu zuten, baina gaur aske utzi dute.
Altsasukoa ez da inauterietan jazotako lehen eraso sexista. Izan ere, azken egunetan antzekoak gertatu dira Tolosan, Gasteizen eta Lantzen.
