Gizartea -
Emakumeen aurkako indarkeria
Emakume bati sexu-erasoa egin diote Bilbon, lanera zihoanean
Erasoa aurreko larunbatean izan zen, Uretamendin, eta igandean elkarretaratzea egingo dute gertatutakoa salatzeko.
agentziak | erredakzioa
Emakume bati sexu-erasoa egin zioten aurreko larunbatean, Bilboko Uretamendi auzoan, lantokira bidean, Udaleko iturriek jakitera eman dutenez.
Gaur eman dute erasoaren berri, eta igandean elkarretaratzea egingo dute auzoko herritarrek, 13:15ean, biktimari elkartasuna adierazteko eta gertatutakoa salatzeko.
_________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.
