Itxi

2016/05/06

16:39

Gizartea

Lehen aldiz

Laia, 'zakildun neska bat', komiki bateko protagonista

Maider Beistegi | EITB.EUS

"Irrien Lagunak" aldizkariak kaleratu du komikia, eta Getxoko San Nikolas ikastolak Lehen Hezkuntzako gela guztietan erabiliko du.

  • "Irrien Lagunak" aldizkariak atera du Laia protagonista duen komikia

    "Irrien Lagunak" aldizkariak atera du Laia protagonista duen komikia

  • Whatsapp
  • Whatsapp
  • Telegram
  • Bidali

Haur transexualitatea komikira iritsi da. Hain justu, transexualitatearen errealitatea erakusten du "Irrien Lagunak" aldizkariaren martxoko aleak Ane Pirataren istoriotxo baten bidez. Anek, aldizkariaren pertsonaia nagusiak, neska bi ezagutuko ditu igerilekuan. Hirurak aldageletan daudela harrituta geratuko da Ane bietako bat zakila duen neska dela ikusita.

Kontakizun hori argitaratzean urrats garrantzitsua eman da transexualitatea ikusarazteko prozesuan. Izan ere, "Irrien Lagunak" oinarrizko mezu bat helarazten lagundu du: badira zakila duten neskak eta bulba duten mutilak, Chrysallis Euskal Herria elkarteak nabarmendu duenez.

Transexualitatea ikasgeletan lantzeko aukera ere ematen du komikiak, testuliburuetan inolako aipamenik ez baita egiten. Bide horri ekin dio Getxoko San Nikolas ikastolak: liburuxka bat sortu du, eta Lehen Hezkuntzako gela guztietan irakurriko dute maiatzaren 17an, Homofobia eta Transfobiaren aurkako Nazioarteko Egunean. Ondoren, gelako haur guztiek etxera eramango dute, txandaka, familiarekin batera irakurri eta aniztasunaren inguruko elkarrizketa sortzeko.

San Nikolas Loratuz Sarea osatzen duten ikastetxeetako bat da, transexualitatea ulertzen eta laguntzen duten ikastetxeak biltzen dituen sarea, alegia.

irrien lagunak komikiairrien lagunak komikiairrien lagunak komikia

Material didaktikoa

Chrysallis Euskal Herriak Facebooken berriki eskuragai jarri duen material didaktiko argitaratu ondoren dator komikia. Materiala 2.200 aldiz partekatu da dagoeneko. Hasiera batean fitxak euskaraz eta gaztelaniaz sortu baziren ere, jasotako eskaerei erantzuna emateko beste hizkuntza batzuetara itzultzen ari dira: katalana, galegoa, ingelesa, frantsesa, italiera eta alemana. Jasotako ekarpenak kontuan hartuta, datozen egunotan berriz editatuko dute.

material didaktikoa

 

  • Bisitatuena

      Kargatzen ikusiena
      Kargatzen ikusiena
    ;