Gizon bat atxilotu dute Gasteizen emazteari eraso egin izana egotzita

41 urteko gizon bat atxilotu dute Gasteizen emazteari ileetatik tira egin eta lepotik heldu izana egotzita. Gainera, erasotzaileak bikotearen seme-alaben aurrean egin omen zion eraso matxista.

Udaltzaingoaren arabera, erasoa Zabalgana auzoko etxebizitza baten gertatu zen bart, eta emakumea osasun zentro batean artatu behar izan zuten.

Gizona epailearen aurrera eraman dute, genero indarkeria delitua egotzita, eta epaileak biktimarengandik urruntzeko agindua eman dio.

 

-----------------------------------------------------------------------------------

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.