Ikasle bati eraso eta zauriak eragin dizkiote Gasteizko campusean

30 urteko gizonezko batek ikasle bati eraso dio Arabako campuseko kafetegian eta aurpegiko hainbat hezur hautsi dizkio, biktimak eskatzen zion dirua emateari uko egin ondoren, Segurtasun Sailak jakinarazi duenez.

09:20 aldera jazo zen gertakaria, atzo, EHUren Gasteizko campusean. EHUko ikaslea ez den gizonezko bat kafetegian sartu zen eta dirua eskatu zien bertan zeuden ikasle batzuei. Ezezkoa jaso ondoren, emakumezko ikasle bati gerturatu zitzaion eta iletik tira egin eta aurpegian kolpatu zuen behin baino gehiagotan.

Aurpegiko hainbat hezur txiki, sudur-trenkada eta hagin apurtu dizkio erasotzaileak ikasleari. Kafetegian zegoen lekuko batek lagundu zion biktimari eta Ertzaintzak ustezko erasotzailea, 30 urteko gizasemea, atxilo hartu zuen.

Erasotzaileak aurrekari penalak ditu. Atxilotua Zaballako espetxean sartu dute, epailearen aurretik igaro ondoren.