Gizartea -
Nafarroa
Legez kontrako lasterketak egiteko geraldi bat desegin dute Tuteran
200 ibilgailu zeuden murgilduta. Parte-hartzaileek sare sozialen bidez zuten adostuta hitzordua; Las Labradas industrialdetik gertu zeuden guztiak.
Agentziak | Erredakzioa
Foru Poliziak, Tuterako Udal Poliziarekin batera, 200 ibilgailuren geraldi bat desegin dute aipatu hirian; izan ere, gidarietako bi salatu dituzte, legez kontrako lasterketak egiteagatik. Batek istripua jasan du.
Parte-hartzaileek sare sozialak erabili dituzte hitzordua adosteko, eta Las Labradas industrialdean bildu ziren. Agenteak iritsi direnean, berrehun bat ibilgailu zeuden (Logroño, Zaragoza, Bilbo eta Iruñetik heldutakoak), eta ehun bat ikusle.
Gertakaria ostiral honetako 23:00ak aldera jazo da. Poliziak ezkutuko patruilak zituen bertan; berehala, ikusi zuten ibilgailuetako batzuk hasi zirela bat-batean azeleratzen, motorrei zarata handia sarraraziz, eta lasterketak egiten zituztela. Ehun bat gaztek babesa ematen zion denari, euren animoekin.
Gazte batek istripua izan zuen
Zigortutako ibilgailuetako batek kontrola galdu eta kolpea hartu zuen, kale-argi baten aurka jo ostean; hortaz, poliziek horregatik ere abiatu zituzten diligentziak. Gidariak, Murchanteko 22 urteko gazte batek, ez zuen zauririk pairatu.
Foru Poliziak gogorarazi duenez, legez kontrako lasterketetan parte hartzea arau-hauste "oso larria" izan daiteke, eta, hortaz, ekar litzake 500 euroko zigorra, gidabaimena hiru hilabetean ez izatea, eta, alkohol edo drogekin batera etorriko balitz, ez-zilegi penala izan liteke.