Gizartea -
Lepen
Gizon bat atxilotu dute Huelvan bere bikotekidearen heriotza egotzita
47 urteko emakumezkoaren hilotza larunbat arratsalde honetan aurkitu dute, Lepeko etxola-gune batean. Hasierako ikerketek diotenez, litekeena da indarkeria-generoarekin lotutako auzia izatea.
AGENTZIAK | ERREDAKZIOA
Larunbat arratsalde honetan Lepeko etxola-gune batean hilik aurkitutako emakumezkoaren bikotekidea atxilotu du gaur Guardia Zibilak, Huelvan. 47 urteko emakumearen hilotzak indarkeria zantzuak ditu, eta espainiarra da.
Huelva24.com webgunearen arabera, indarkeriarekin lotutako delituengatik aurretik salatu izan zuen gizona emakumezkoak. Atxilotua bihar eramango dute epailearen aurrera.
Emakumezkoaren gorpua odoloztuta zegoen, eta zauri ugari zituen, beharbada arma zuri batek eragindakoak.
Udaltzaingoen iturriek diotenez, patruila batek emakumearen hilotza aurkitu zuen atzo 21:41ak aldera, Lepeko etxola-gune batean. Larrialdi zerbitzuetakoak bertaratu ziren, eta biktimaren heriotza egiaztatu zuten.
Guardia Zibilak ikerketaren ardura bere gain hartu du, eta epaileak sekretupean jarri du auzia.
Hasierako ikerketen arabera, litekeena da indarkeria-generoarekin lotutako auzia izatea, Andaluziako Emakumearen Institutuak adierazi duenez. Horrek oharra kaleratu du jazoera gaitzesteko eta indarkeria generoarekiko gizarteak tolerantziarik izan ez dezan eskatzeko.
