Gizartea -
Emakumeen kontrako indarkeria
Baionako bestetan bortxatu egin dutela salatu du emakume batek
Ostiral goizaldean, jaietatik Bidartera motorrean itzultzen ari zela eraso egin ziotela salatu du neskak.
EITB.EUS
Baionako bestetan izandako sexu eraso baten salaketa jaso du Baionako Fiskaltzak asteburuan, Simon Vuelta fiskalak jakinarazi duenez.
Vueltaren hitzetan, Baionatik Bidartera motorrean etxera itzultzen ari zen neska batek bortxatu egin dutela salatu du. Erasoa ostiral goizaldean jazo zen.
Genero indarkeriarekin lotutako gutxienez beste salaketa bat izan da egunotan. Poliziak bikotekide ohia jipoitu zuen gizonezko bat atxilotu du.
Baionako prefetak arratsaldean egingo du jaien balorazioa.
Erlazionatutako edukiak
Hau zure interesekoa bada, baliteke beste gai hauek ere izatea