Gizartea -
Gipuzkoa
Irunen desagertutako 76 urteko emakumea aurkitu dute
Herritar batek argazkia ikusi du hedabide batean eta Ertzaintzari deitu dio emakumea Irungo Olaberria auzoan zegoela adieraziz. Emakumea orientaziorik gabe eta arropak bustita zituela aurkitu dute.
Erredakzioa
Ertzaintzak Irunen, eguneko egoitza batetik alde egiterakoan desagertutako emakumea aurkitu du. 76 urte eta alzheimerra ditu.
Emakumearen argazkia hedabide batean ikusi duen herritar batek Ertzaintzari deitu egin dio, antzeko emakume bat Irungo Olaberria auzoan ikusi baitzuen, mendira bidean.
Patruila bat tokira bertaratu da eta bilatzen zeuden emakumea zela baieztatu dute. Emakumea orientaziorik gabe eta euriaren ondorioz arropak bustita zituela aurkitu dute. Egarri zen eta Bidasoako ospitalera eraman dute sendagileek aztertu dezaten.
Irungo eta Hondarribiako Ertzaintzak eta Polizia Lokalak alde zaharreko gunean bilatu dute emakumea, eta abisua Hendaiako komisaldegiari eman zioten ere.