Gizartea -
Genero-indarkeria
Gizon bat atxilotu dute Gasteizen bikotekideari erasotzeagatik
Eztabaida gogor baten ostean, guraizeak eta labana erabili zituen min emateko.
Agentziak | Erredakzioa
57 urteko gizon bat atxilotu dute Gasteizen, bikotekideari eraso egiteagatik. Antza denez, guraizeak eta labana bat erabilita eraso zion, Gasteizko etxebizitza batean eztabaida latza izan ostean.
Udaltzainek bi aldiz joan behar izan zuten Arabako hiriburuko Pablo Picasso kaleko etxera, Udalak gaur aditzera eman duenez.
Hasierako eztabaida eteten ahalegindu ziren hasieran; ondoren, aldiz, zenbait lekukok eskatuta, berriz joan ziren, eta biktimak eskuan eta besoan zenbait kolpe eta zauri txiki zituela ikusi zuten.
Hortaz, ustezko erasotzailea atxilotu egin zuten, eta genero-indarkeria delitua egotzi zioten.
Hau zure interesekoa bada, baliteke beste gai hauek ere izatea