Gizartea -
Indarkeria matxista
Gizon bat atxilotu dute Gasteizen, bikotekideari eraso egitea egotzita
Emakumeak hematoma bat zuen begi batean, eta agenteek ospitalera eraman behar izan zuten, medikuek artatu zezaten. Ustezko erasotzailea une horretan atxilotu zuten.
Agentziak | Erredakzioa
25 urteko gizon bat atxilotu dute Gasteizko Salburua auzoan, bere bikotekideari fisikoki erasotzea leporatuta.
Iganean, urriak 2, 13:00ak aldera jazo zen gertaera, Udaltzaingoak ohar baten bidez jakitera eman duenez. Ordu horretan, Salburua auzoko etxebizitza batean izandako eraso baten berri izan zuen Udaltzaingoak.
Agenteak lekura iritsi zirenean, ustezko erasotzailearekin eta haren bikotekidearekin hitz egin zuten. Orduan, emakumeak hematoma bat zuela begi batean ikusi zuten agenteek.
Bikotearen azalpenak entzun ondoren, eta eraso fisikoa bistakoa zela ikusi ostean, agenteek ustezko erasotzailea atxilotu zuten, bere bikotekideari eraso egitea leporatuta. Era berean, emakumea ospitalera eraman behar izan zuten, medikuek artatu zezaten.
_________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.
