Gizartea -
Indarkeria matxista
Emakume bati eraso egin dio bikotekide ohiak Gasteizen
Bularrean kolpatu ostean, besotik hartu eta berarekin borroka egin zuen gizonak. Udaltzaingoak 53 urteko gizona atxilotu zuen, emazte ohiari eraso egitea egotzita.
Agentziak | Erredakzioa
Gasteizko Udaltzaingoak 53 urteko gizon bat atxilotu du emazte ohiari eraso egin ostean Aranbizkarra auzoan, Gasteizen.
Udaltzaingoak ohar baten bidez jakinarazi duenez, larunbatean izan zen erasoa. Biktimaren arabera, bere semeekin batera bikote ohiaren etxera joan zen, horietako baten kargadorea hartzeko asmoz. Une horretan, aitarekin egon nahi zuela esan zion semeak.
Orduan, emakumeari eraso egin zion gizonak. Bularrean kolpatu ostean, besotik hartu eta berarekin borroka egin zuen. Bien adierazpenak entzun ostean, agenteek 53 urteko gizona atxilotu zuten emazte ohiari eraso egitea leporatuta.
_________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.
