Bihotz artifizial bat transplantatu dute Nafarroan, Estatuko lehena

Nafarroako Unibertsitate Klinikoko eta Nafarroako Ospitale Guneko mediku taldeek bihotz artifizial oso bat transplantatu diote gaixo bati Nafarroan. Estatu espainiarrean egin den gisa horretako lehendabiziko ebakuntza izan da.

47 urteko nafar bati bihotza kendu eta bihotz artifizial oso bat jarri diote horren ordez, Nafarroako Unibertsitate Klinikoko iturriek jakinarazi dutenez.

Gaixoak miokardiopatia larria zuen, eta urtebete zeraman transplante baten zain. Ebakuntza irailean egin zioten gaixoari, eta ospitaleratuta jarraitzen badu ere, onera egiten ari da.

Ebakuntza egin zuten medikuek bihar emango dituzte azalpenak Iruñean egingo duten prentsaurrekoan.