Gizon bat atxilotu dute Bilbon, bikotekideari erasotzeagatik

Bilboko Udaltzaingoak gizonezko bat atxilotu zuen larunbatean Zazpikaleetan, Erribera merkatuaren inguruetan, bikotekideari erasotzeagatik.

Udaletik jakinarazi dutenez, erasoa 20:00etan jazo zen, eta pertsona batek Udaltzaingora deitu zuen, horren berri emateko.

Patruila bat bertaratu zen, eta gizon bat emakume bat jotzen ikusi zuen. Horregatik, atxilotuta eraman zuten.

 

___________

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.