Gizartea -
Indarkeria matxista
Adingabe bati sexu erasoa egin diote Durangon
Ertzaintzan jarritako salaketaren arabera, erasoa hilaren 3an egin zuten, Murueta Torre auzunean.
AGENTZIAK | ERREDAKZIOA
Adingabe bati sexu erasoa egin zioten hilaren 3an Durangon (Bizkaia), Ertzaintzan jarritako salaketaren arabera.
Udalak azaldu duenez, erasoa Murueta Torre auzunean egin zuten.
Udaleko Berdintasun Batzordeak eta Kontseiluak "gaitzespena" agertu dute, eta emakumeen aurka egindako "edozein indarkeria mota" errefusatu dute, "fisikoa, psikologikoa, ekonomikoa edo sexuala izan".
Gainera, babesa agertu diete biktimari eta horren senideari, eta Udalaren baliabide guztiak jarri dituzte haien esku.
Udalak elkarretaratzea deitu du gaur iluntzerako, 20:00etan, eta hurrengo ostegunerako, Andra Marin. Gainera, mugimendu feministaren protestetan ere parte hartzeko deia egin du.
