Atxilotu dute ustez Bilbon hiru edukiontzi erre dituen pertsona

Bilboko erdigunean ustez hiru edukiontzi erre dituen gizona atxilotu du Ertzaintzak. Segurtasun sailaren arabera, bizilagun batek edukiontzien sutearen berri eman dio Ertzaintzari goizaldeko 05:30ean, eta ustezko egilearen deskribapena egin du.

Handik gutxira, Mazarrego zumarkalean ikusi dute deskribatutako ezaugarriak zituen gizon bat ikusi dute hainbat ertzainek, eta ihes egiten saiatu da agenteak ikustean. 31 urteko gizona atxilotu dutenean egin dioten miaketan, suteekin zerikusia zuten 'hainbat froga' antzeman dizkiote.

Gaur erretako hiru edukiontziak kontuan hartuta, 20 dira azken aste honetan erre dituzten ibilgailuak, Eusko Jaurlaritzako Segurtasun sailak aditzera eman duenez.

Gaur goizaldeako suteei dagokienez, 01:20an erre dute aurrena, Deustuko Rafaela Ybarra kalean, eta handik lau ordura, 05:30 inguruan, Lersundi kalean eta Cosme Etxebarrietan erre dituzte beste bi. Hiru suteok ez dute kalterik eragin inguruan.