Ertzain bat atxilotuta, bikotekidea eraso eta airera tiro egiteagatik

Ertzain bat atxilotu dute Gasteizen airera zenbait tiro egin ostean; jazoera bere etxearen inguruetan gertatu da bikotearekin eztabaidatu eta emakumea jipoitu ostean.

Herrizaingo Sailak jakinarazi duenez, emakume bati bere etxean eraso egin diotelakoaren berri izan du Ertzaintzak; antza denez, emakumeak ihes egin du eta Sansomendi auzoko Guardia Zibilaren kuartelean babesa hartu du.

Emakumea Txagorritxuko Ospitalera eraman dute eta ertzainek emakumearen eta erasotzailearen etxera joan dira. Gizonak bere burua babestu egin du etxeko atarian.

Ertzainak hainbat tiro egin zituen airera eta ikertzen ari dira tiroren bat etxeren batean jo egin duen. Azkenean erasotzailearekin negoziatzea lortu dute, gizonak bere arma utzi du eta atxilotua izan da.

Izapideak bideratu dituzte gizonaren aurka emakumea erasotzeagatik eta tiro egiteagatik.