Gizartea -
Zazpikaleak-Etxebarri
Sute batek Bilboko metroa gelditu du zortzi orduz bost geltokitan
Sua Boluetako azpiestazio elektrikoan hasi da 15:20an eta 16:45ean itzali dute. Trenen zirkulazioa 23:00k aldera berrezarri dute.
Erredakzioa
Bilboko metroak Zazpikaleak eta Etxebarriren arteko zerbitzua eten behar izan zuen atzo 15:20etatik 23:00k aldera arte, Boluetako elektrizitate azpiestazioan sortutako sutearen ondorioz.
Sua aipatutako azpiestazioan hasi zen. Bertako elektrizitateak metroko unitate ezberdinak hornitzen ditu eta, protokoloari jarraituz, Boluetako geltokia jendez hustu behar izan zuten.
Suhiltzaileak bertara joan ziren eta 16:45etarako sutea kontrolpean zuten.
Garraioaren etenaldiak Zazpikaleetako, Santutxuko, Basarrateko, Boluetako eta Etxebarriko geltokiei eragin die, eta milaka izan dira kaltetutako erabiltzaileak, izan ere, Bilbo Aste Nagusia ospatzen ari da eta bisitarien joan-etorriak oso ugariak dira.