Gizartea -
NAFARROA
Txirrindulari bat hil da Eritzen, auto batek harrapatuta
Foruzaingoak jakitera eman duenez, 09:55ean izan da istripua. Txirrindularia tokian bertan hil da.
AGENTZIAK | ERREDAKZIOA
Txirrindulari bat hil da gaur auto batek harrapatuta, Itzako Eritzen, Nafarroan, Foruzaingoak jakinarazi duenez.
Ezbeharra 09:55ean gertatu da, N-120-A errepidean. Istripua zergatik gertatu den ikertzen ari dira orain. Trafikoko bi foruzain patruila bertaratu dira.
Joan den astean beste txirrindulari bat hil zen Lizarran, auto batek harrapatuta.
