Milioi eta erdi sinadura tabakoaren aurkako legearen kontra

Erretzaileek 500.367 sinadura aurkeztu dituzte gaur Madrilgo Diputatuen Kongresuan. Toki publikoetan erretzea debekatuko duen Legearen aurkako ekimena izan da Tolerantziaren aldeko Erretzaileen Klubak aurrera eramandakoa. Ekimen hori Beheko Ganberan bideratzen ari dira.

Firma hauek "izena, abizenak eta NAN zenbakia dituzte", eta "Prohibido Prohibir" plataformaren eskuz jaso dira. Guztiak legea ez erreformatzearen alde daude, eta egitekotan, pertsona guztien, erretzaileen eta erretzen ez dutenen, eskubideak kontutan hartzearen alde.

Entitatearen bozeramailearen, Javier Blancoren, esanetan, "gizartearen elkartasun-adierazpen handia da". Antzeman duenez, milioi eta erdi sinadura hauetan erretzen ez dutenak ere hartu dute parte.

Bestalde, adierazi duenez, azken urteotan elkartasun-adierazpen gehien jaso dituen herri-ekimena da; "Garzon epaileak abortuaren kontrako legearen aldeko babesak baino gehiago".

Erretzaileen helburua, sinadura hauek Kongresuko Osasun Batzordeko bozeramaileei helaraztea da. Eta gainera, Blancoren esanetan, "sinadurak jasotzen jarraituko dugu".

Asteazken honetan, hain zuzen ere, Osasun Batzordeko bozeramaileak elkartuko dira. Beste gaiez gain, zuzenketen aurkezpenaren data, hitzaldiak egiteko hasiera eta talde bakoitzak eskatuko dituen agertzeak zehazteko elkartuko dira.