Gizartea -
Emakumeen aurkako indarkeria
Donostia eta Azkoitiko ustezko erasotzaileak identifikatu ditu Ertzaintzak
Aste Nagusian eta Azkoitiko jaietan azken egunetan bi gaztek salatutako sexu-erasoen ustezko erasotzaileak dira.
Agentziak | Erredakzioa
Donostiako eta Azkoitiko jaietan azken egunetan bi gaztek salatutako sexu-erasoen ustezko erasotzaileak identifikatu ditu Ertzaintzak. Geroago, epaitegien esku utzi du informazioa.
Azken kasua asteburuan izan da. Ertzaintzak gazte batek jarritako salaketa bat jaso zuen, Azkoitiko jaietan sexu-erasoa jasan zuela esanez. Abuztuaren 14an, beste gazte batek sexu-eraso bat izan zuela salatu zuen, Donostiako Urgull mendian, Aste Nagusian.
Segurtasun Sailetik jakinarazi dutenez, Ertzaintzak ?dagokien epaitegien? esku jarri ditu Donostiako eta Azkoitiko sexu-erasoetako ?ustezko erasotzaileak?.
_________________________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.
