Emakume baten gorpua aurkitu dute Uztaritzen, indarkeria zantzuekin

Esku-hankak lotuta eta begiak tapatuta topatu du bart bikotekideak. Jendarmeek ikerketa abiatu dute.

Hildako emakumea haurdun zegoen. Argazkia: EiTB.

EiTB.EUS

publikatuta: 2017/09/14 12:11 (UTC+2)

azken eguneratzea: 2020/05/04 09:28 (UTC+2)

Haurdun zegoen emakume baten gorpua aurkitu dute Uztaritzen (Lapurdi), indarkeria zantzuekin.

Samuel Buelta Simon Baionako fiskalak adierazi duenez, bikotekideak topatu du bart, etxe ondoko errepide batean. Biktimak 23 urte zituen eta esku-hankak lotuta, begiak tapatuta eta aurpegian ubeldura ugari zituen. Dirudienez, aurpegiko hematomek eragin diote heriotza. Autopsiaren emaitzak irailaren 15ean jakinaraziko dituzte.

Jada onik dagoen arren, bart gizona ospitalera eraman zuten, shock egoeran baitzegoen. Fiskalak adierazi duenaren arabera, Jendarmeek bikotekidea, familia eta ingurukoak galdekatu ditu. Etxean ez dute lapurreta zantzurik aurkitu.

Paueko Jendarmeriak ikerketa abiatu du, eta oraindik ez du hipotesi nagusirik.

Hau zure interesekoa bada, baliteke beste gai hauek ere izatea

Tratu txarrak Espainian Iparraldea argazkiak Delituak bideoak Gizartea albisteak Gaurko titularrak Gaurko azken orduko albistea Mundu matxista Krimenak azken ordukoa

Emakume baten gorpua aurkitu dute Uztaritzen, indarkeria zantzuekin

Esteka kopiatuta