Gizartea -
Superilargia
Ilargiak bere aurpegirik onena erakutsi digu
16:48an, satelitea ilargi betean egon da. Perioegoa astelehenean da eta, une horretan, Lurraren erdigunea 357.495 km ingurura egoten da Ilargiaren erdigunetik.
i.g. | eitb.eus
2017ko superilargi bakarra atzo, abenduak 3, izan zen, ilargi betea eta perigeoa (Lurra eta Ilargia elkarrengandik hurbilenen dauden unea) fenomenoarekin batera.
Hala, aurtengo abenduko lehen igandeko 16:48an, Lurraren satelite naturala ilargi betean sartu zen; orduan, hurbilago ikusi dugu eta, hortaz, 2017 beste edozein momentutan baino handiago.
Perigeoa abenduaren 4an den arren agertu zaigu astronomia-fenomenoa. Egun horretan, Ilargiaren erdigunea 357.495 km ingurura dago Lurraren erdigunetik. Hain zuzen, Ilargiak urte osoan gertuenen dagoen unea da. Kontrako lekuan dagoenean apogeo deitzen da, eta 50.000 km inguru urrunago dago.
Superilargiaren ondorioz, satelitea ohi baino distiratsuago eta handiago ikusi dugu. Normalean, ipuinetan soilik ikusi ahal diren irudiak ematen dizkigu.