Gizartea -
Bizkaia
Gizon baten hilotza aurkitu dute Bermeoko portuan, uretan
Antza, gizon gazte baten gorpua da, baina oraindik ez dute identifikatu, dokumentaziorik ez zeramalako.
eitb.eus
Gizon baten gorpua aurkitu dute astearte honetan, goizez, Bermeoko portuan (Bizkaia), ur gainean, Eusko Jaurlaritzako Segurtasun Sailak jakinarazi duenez.
Gorpua goizeko 11:15ean aurkitu du portutik paseatzen zebilen pertsona batek, eta berak eman du abisua.
Erreskatatu dutenean egiaztatu dute hilda zegoela, eta auzitegiko arduradunei deitu zaie, gorpua atera eta Bilboko Auzitegi Zerbitzura eramateko eta han autopsia egiteko. Gorpua ez dute oraindik identifikatu, gizonak dokumentaziorik ez zeramalako.