Publizitatea
X

Irratia zuzenean

Bi sexu eraso egiteagatik gizon bat atxilotu dute Iruñean, urtarrilak 6

Gizartea

EMAKUMEEN KONTRAKO INDARKERIA

Bi sexu-eraso egiteagatik Iruñean atxilotutako gizona espetxera bidali du epaileak

AGENTZIAK | ERREDAKZIOA

2018/01/09

Errege egunean atxilotu zuten, bi emakumek salaketa jarri ondoren.

  • Whatsapp
  • Bidali

Iruñean joan den astean bi emakumeri sexu-erasoa egitea egotzita atxilotutako gizonezkoa behin-behinean eta fidantzarik gabe espetxeratzeko agindu du epaileak.

Errege egunean izan ziren erasoak, kalean. Lehen ikerketen arabera, erasotzaileak "indarra erabili zuen" bi emakumeei eraso egiteko.

Aurrena, emakumeetako bati heldu zion, baina horrek alde egitea lortu zuen, eta, ondoren, besteari egin zion eraso, eta gorputzeko hainbat atal ukitu zizkion. Ahoan eta lepoan musuak ere eman zizkion, biktimek kontatu dutenez.

Bigarren emakume hori ere ihes egiten saiatu zen, baina erasotzaileak harrapatu egin zuen, ileetatik helduta.

Epailearen iritziz, bi sexu-eraso egin zituen erasotzaileak.

Akusatua Londresen bizi den gizonezko bat da, eta biktimek eta erasoak izan ziren egunean inguruetan zeuden hainbat lekukok identifikatu zuten.

Iruzkinak

Publizitatea
  • Publizitatea
    NAHIERAN Ikusi berriro ETBko albistegiak NAHIERAN
    Erreportajeak Aktualitateari buruzko elkarrizketak. Erreportajeak
    Publizitatea
    Publizitatea

    Bisitatuena

      Kargatzen ikusiena
          Kargatzen ikusiena