Gizartea -
UHOLDEAK
Muxikako bizilagunak auzolanean ari dira herria garbitzen
Herenegun, ezustean, izandako euriteek kalte dezente utzi zituzten, batez ere, Muxikan, eta, orain, bertako alkateak bizilagunen laguntza eskatu du, ahal den neurrian, normaltasunera itzultzeko.
AGENTZIAK | ERREDAKZIOA
Muxikako eta inguruko herrietako ehun lagun baino gehiago ari dira gaur, goizean goizetik, joan den osteguneko uholdeek eragindako txikizioa konpontzen eta garbitzen; garajeak, lokalak eta hainbat etxeetako beheko solairuak urak hartu zituen, kalte handiak eraginda.
Aitor Goldaraz Muxikako alkateak egindako deiak erantzun zabala izan du, eta auzolanean ari dira herria garbitzen. Herritarrak erakusten ari diren elkartasuna nabarmendu du alkateak.
Ostegun arratsaldeko euriteek Muxikan eragin zituzten kalterik handienak. Herri horretako dozenaka lagunek euren etxetik kanpo igaro behar izan zuten gaua, eta askok oraindik ezin izan dute itzuli.
