Publizitatea
X

Irratia zuzenean

Elurteei aurre egiteko egitasmoa abian jarri dute Gasteizen; 2018ko otsailak 1

Gizartea

Hotzaldia

Elurra kentzeko zortzi ibilgailu eta espaloiak garbitzeko 20 makina prest, Gasteizen

Agentziak | Erredakzioa

2018/02/01

Elurteei aurre egiteko plana martxan jarri du Udalak. Gainera, gatz zakuak banatzen ari dira Arabako hiriburuan.

  • Elurtea Gasteizen. Artxiboko argazkia: Jose Maria Alonso

    Elurtea Gasteizen. Artxiboko argazkia: Jose Maria Alonso

    Elurtea Gasteizen. Artxiboko argazkia: Jose Maria Alonso
  • Whatsapp
  • Bidali

Elurteei aurre egiteko egitasmoa abian jarri du Gasteizko Udalak. Horrela, datozen orduetan elurra kentzeko zortzi ibilgailu eta hiriko espaloiak garbitzeko 20 makina mobilizatuko dituzte.

Aurreneko elur-malutak 17:00etan erortzen hasi dira Arabako hiriburuan. Euskalmeten arabera, elur-kota 400-600 metrotan kokatuko da eguneko azken orduetan, eta 300 metrotan goizaldean.

Iragarpenen aurrean, elurra kentzeko hortzak eta urgarriak dituzten zortzi ibilgailu kalean jarri ditu Gasteizko Udalak, hiriburuko errepideak garbitzeko.

Bestalde, espaloiak garbitzeko 20 makinako dispositibo bat martxan jarri dute agintariek. Horretarako, ekipo propioak eta FCC kontrataren baliabideak erabili dituzte.

Gatz zakuak

Era berean, gatz zakuak banatzen ari dira zentro zibiko, kiroldegi eta udal eraikinetan, baita merkataritza-gune eta industrialdeetan ere.

Azkenik, zuhaizti handiak dituzten parke eta pasealekuetan oinezkoei debekuak jartzeko aukera aztertzen ari da Udaltzaingoa, elurragatik adarrak erori daitezkeelako.

Iruzkinak

Publizitatea
  • Publizitatea
    NAHIERAN Ikusi berriro ETBko albistegiak NAHIERAN
    Erreportajeak Aktualitateari buruzko elkarrizketak. Erreportajeak
    Publizitatea
    Publizitatea

    Bisitatuena

      Kargatzen ikusiena
          Kargatzen ikusiena