Gizartea -
Albuferan
Emakume baten gorpua aurkitu dute indarkeria zantzuekin, Valentzian
Catarrojako portuko kanalean, ur gainean, topatu dute biktimaren gorpua. Arma zuri batekin egindako zauriak zituen emakumeak.
Erredakzioa
Emakume baten gorpua aurkitu du Guardia Zibilak indarkeria zantzuekin, Catarrojako (Valentzia) portuko kanalean, ur gainean, Albuferako natura-parkean.
Guardia Zibileko iturrien arabera, emakumearen gorpua Auzitegiko Medikuntza Institutura eraman dute autopsia egiteko eta heriotzaren arrazoiak argitzeko.
Larrialdi zerbitzuek Guardia Zibilari abisua eman diote 19:00ak aldera. Geroxeago Guardia Zibila portuko kanalera bertaratu da eta biktimaren gorpua topatu du flotatzen.
Emakumearen adinaren berri ez dute eman. Arma zuri batekin egindako zauriak zituen biktimak, iturri berdinen arabera.
