Gizartea -
LEGIONELLA
Tuterako Sofia Erregina ospitaleko ur beroaren sistema desinfektatu dute berriro
Ospitaleko ur beroaren horniketa sistema orokorra desinfektatzeko tratamendu berri bat prestatuko dute.
Agencias | Redacción
Tuterako Sofia Erregina ospitaleko ur beroaren sistema garbitu eta desinfektatu dute berriz ere, gaixo bat legionelosiak jota hil ostean, otsailean egindako desinfekzioa ez baitzen erabat eraginkorra izan.
Nafarroako Gobernuak jakinarazi duenez, badaezpada "bakterioen kontrako filtroak ere" ezarri dituzte "segurtasuna bermatzeko".
Desinfekzioaren ostean egindako kontrolek agerian utzi dute hainbat parametro ez daudela ondo.
Bestalde, Nafarroako Gobernuak iragarri duenez, ospitaleko ur beroaren horniketa sistema orokorra desinfektatzeko tratamendu berri bat egingo dute laster, baita sarearen ingeniaritzaren ikerketa zehatza ere, hobekuntzak egiteko helburuarekin.
