Gizartea -
Manifestazioa
Milaka pertsona manifestatu dira Sahararen alde Bilbon
"Genozidioa gelditu dezagun. Irtenbidea=Autodeterminazioa" lemapean Espainiako Gobernuak bere "erantzukizuna" hartzeko eskatu dute.
Erredakzioa
Milaka pertsona manifestatu dira gaur Bilbon Mendebaldeko Sahararen alde, eta Gdeim Izik eremua botatzearen eta Aaiungo gertaeren kontra.
"Mendebaldeko Sahara. Genozidioa gelditu dezagun. Irtenbidea=Autodeterminazioa” lemarekin Saharako erakundeek antolatu dute manifestazioa, eta euskal sindikatu eta alderdi politikoek bermatu dute, besteak beste: EB, Aralar, Alternatiba eta ezker abertzaleak. Euren iritziz, Gobernuak "interes ekonomiko eta politikoak eskubideen gainetik jartzen ditu".
Manifestazioan honako eskaera hauek egin zaizkio Espainiako Gobernuari: batetik, "intereseko urrunkidetasuna uzteko" eta bestetik, bere "erantzukizuna" gain hartzeko "amaitu gabeko" deskolonizazio prozesuan.
Gainera, Europar Batasunari Marokorekin dituen harremanak bertan behera uzteko eta Nazio Batuen Erakundeari erantzukizunak kentzeko ikerketa bati ekiteko eskatu diete.
