Gobernuak gaur aztertuko du erasotzaileei zaintza ukatzeko proiektua

Ministroen Kontseiluak argi berdea emango dio gaur legearen aldaketak bideratzeko prozesuari emakumeei tratu txarrak eman eta epai irmoa dutenei seme-alaben zaintza galarazteko eta biktimen herentzia jasotzea debekatzeko.

Gobernuko iturriek jakinarazi dutenez, atzo emakumeen kontrako indarkeriaren nazioarteko eguna izaki, bihar neurri-sorta bat eztabaidatuko dute ministerioek, orohar, kode zibilaren inguruan.

Alfredo Perez Rubalcaba ministroak iragarri zuen aldaketa horiek urtarrilean iritsiko direla. Ezaugarri nagusiak tratu txarrak eman dituztenei seme-alaben zaintza mugatzea eta biktimen herentzia ez jasotzea izango omen dira.

Aldaketa horiek eragina izan dezakete aseguruetan, izan ere, tratu txarrak egin dituztenei biktimekin sinatutako aseguruen onuradun izatea galaraziko diete.