Gizartea -
Indarkeria matxista
Gizon bat atxilotu dute Gasteizen emazte ohiaren etxean sartzea leporatuta
Epaileak emazte ohiarengandik urruntzeko agindua ezarri zion, baina urratu egin zuen.
Agentziak | Erredakzioa
50 urteko gizon bat atxilotu dute Gasteizen, emazte ohiaren etxean sartzea leporatuta. Epaileak emazte ohiarengandik urruntzeko agindua ezarri zion, baina urratu egin zuen.
Atzo (igandea) eguerdian, Gasteizko Zaramaga auzoan, emakumea eta bi seme-alaba txikiak etxetik ateratzeko prest zeudenean, gizona sarrerako atea bultzatu zuen eta barrura sartu zen.
Emakumeak udaltzainei deitu zien, eta gizonak harengandik urruntzeko agindua indarrean zuela egiaztatu ondoren, bertaratu zen patruilak atxilotuta eraman zuen.
_____________________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.
