Jaurlaritza Buruaga Arditegiaren bi gazta mota erretiratzen ari da, kutsaduragatik

Eusko Jaurlaritza Osasun Saila Arabako Buruaga Arditegiak ekoitzitako bi gazta mota saltokietatik erretiratzen ari da, batzuetan Listeria monocytogenes bakterioa eta beste batzuetan toxina estafilokozikoa atzeman ostean.

Osasun Publikoko ikuskatzaileek egindako ohiko kontroletan hauteman dituzte bakterio eta toxina hori, bi pertsonak ustez enpresa horrek esne gordinarekin egindako ardi gazta jan ondoren intoxikazio arina izan ostean.

Jaurlaritzak jakinarazi duenez, hauek dira merkatutik erretiratzen ari diren gaztak: batetik, 2017ko irailetik aurrera San Donato, Izaga, Arralde, Euskal Gazta, Lapiko eta Kutixak izenarekin merkaturatukoak eta 1501584-VI osasun marka dutenak, eta, bestetik, 2018ko otsailetik aurrera egindakoak eta osasun marka berarekin Buruaga Arditegia izenpean saldutakoak.

Etxean gazta horietakoren bat dutenei ez jateko eta sintomaren bat izanez gero ospitalera joateko aholkatu die Osasun Sailak, badaezpadako neurri gisa.