Gizartea -
Euskaraldia
Euskaraldiaren Nafarroako hamaikakoa abian da
Besteak beste, Julian Iantzi, Zuriñe Hidalgo eta Juan Kruz Lakasta EiTBko lankideak daude talde horretan.
EITB.EUS
Nafarroako hamaika pertsona ezagunek osatuko dute Euskaraldiaren talde enbaxadorea. Horien artean daude Julian Iantzi, Zuriñe Hidalgo eta Juan Kruz Lakasta EiTBko aurkezle eta kazetariak.
Euskaraldiaren Nafarroako hamaikakoa osatzen duten gainerako lagunak hauek dira: Oier Sanjurjo, Edorta Salvador, Nerea Egozkue, Nerea Fillat, Mikele Grande, Mikel Idoate, Pello Yaben eta Saioa Jaurena.
Herritarren egunerokoan euskararen erabilera sustatzeko asmoz antolatutako 'Euskaraldia: 11 egun euskaraz' ekimena azaroaren 23tik abenduaren 3ra bitartean egingo da.
