Gizartea -
Gertaera
Bi pertsona zauritu dira Kuartangon, auto-istripu batean
Dirudienez, biak zihoazen ibilgailua autobidetik irten da, hainbat buelta eman ditu eta beste errepide batean erori da.
Agentziak | Erredakzioa
Bi pertsona zauritu dira igande honetan, Kuartangon (Araba), auto-istripu batean. Biak zihoazen ibilgailua autobidetik irten da, AP-68an, hainbat buelta eman ditu eta beste errepide batean erori da.
Istripua 15:30ean izan da, AP-68ko 47. kilometroan, Bilboko noranzkoan, Segurtasun Sailak eta SOS Deiakek jakitera eman dutenez.
Ikertzen ari diren arrazoien ondorioz, ibilgailua errepidetik irten da, eta hainbat buelta eman ostean, A-3314 errepide-sarean amaitu du. Bertan trafikoa arautu behar izan dute, errail bateko zirkulazioa eten egin delako.
Ertzainak eta suhiltzaileak bertaratu dira, baita Ertzaintzaren helikoptero bat ere, izan ere, zaurituetako bat Gurutzetako ospitalera (Bizkaia) eraman du.
Zauritutako beste pertsona Txarrogitxuko ospitalera eraman dute, Gasteizen.