A-15a zabaldu dute berriz, bi noranzkoetan

Istripua 117. km-an izan da, Latasan. Kamioi bat gurutzatuta geratu da errepidean, irrist egin ostean.

Istripua Latasan (Nafarroa) jazo da. Argazkia: @policiaforal_na — Kamioi batek artaziarena egin du A-15ean, Latasan

eitb.eus

azken eguneratzea: 2018/11/26 14:08 (UTC+1)

A-15 errepidea (Leitzarango Autobidea) ireki dute berriz bi noranzkoetan, zenbait orduz itxita egon eta gero, kamioi baten istripuagatik.

Istripua Latasan (Nafarroa) jazo da, 117 km.-an. Momentura arte, ez dituzte zehaztu gertaeraren nondik norakoak. Kamioia errepidean gurutzatuta geratu da eta, hori dela eta, autobidea itxi behar izan dute.

Foruzainak bertaratu dira, eta A-10etik (Etzegarate) desbideratu dute trafikoa.

Ertzaintzak, bere aldetik, Andoainen desbideratu ditu ibilgailuak N-1era, baina 09:00etarako zabalik egon da berriz, hiriburu nafarrerako noranzkoan.

Hau zure interesekoa bada, baliteke beste gai hauek ere izatea

Trafiko Istripuak Trafikoa Ertzaintza Gipuzkoa Nafarroa Gizartea Trafikoko telefonoak Trafiko webkamerak Eguneko albisteak Andoain Albisteak Leitzarango autobia

A-15a zabaldu dute berriz, bi noranzkoetan

Esteka kopiatuta