Gizartea -
Usansolo
Espainiako Gobernuak ez du baimendu Usansoloren mugei buruzko galdeketa
Alboko auzoetako biztanleei Usansoloren desanexio prozesuan sartu nahi duten galdetzea ez baimentzeko erabakia hartu du Ministroen Kontseiluak.
Agentziak | Erredakzioa
Ministroen Kontseiluak ez du baimendu Galdakaoko Udalak (Bizkaia) aurreikusten zuen Usansoloren mugen inguruko erreferenduma. Espainiako Gobernuak iragarri duenez, galdeketa ez baimentzea erabaki du.
Erreferendumean, Usansolo inguruko bederatzi auzotako biztanleei beren auzoak herri horren segregazio prozesuan sartzea ote nahi duten galdetu nahi zien Galdakaoko Udalak. Izan ere, ez dago Usansoloren mugak zehazten dituen dokumenturik.
Otsailean, herri galdeketa azaroaren 11n deitzea adostu zuen Galdakaoko Udalaren osoko bilkurak, EAJ eta PSE-EEren babesarekin, Usansolo udalerritik banatzeko prozesuaren barruan.
Honakoa da galdera: "Usansolo bereizteko irekita dagoen prozesuan zure auzoa sartzea nahi duzu?". Hala ere, soilik Espainiako Gobernuak baimentzen bazuen deitzea adostu zuten.