Gizartea -
Huesca
Basauriar bat hil da Pirinioetan, arrail batetik behera erorita
Infernuko Tontorretatik behera jaisten ari zela erorikoa izan zuen 63 urteko gizonak. Castro Urdialesen bizi zen, baina Basaurikoa zen jatorriz.
eitb.eus
63 urteko Basauriko gizon bat, L.S.U. inizialak zituena, hil da asteburuan, Pirinioetan, 100 metroko arrail batetik behera erorita.
Euskadi Irratiak zabaldu duenez, Basauriko Baskonia Mendi Taldeko kidea zen mendizalea, baina Castro Urdialesen bizi zen.
Panticosan (Huesca) gertatu zen ezbeharra igandean, Infernuko Tontorretatik (3.000 metro inguru) beherako bidea hartu ondoren, 12:30 inguruan, elurrean irrist eginda.
Horrezkero, Panticosa eta Jacako erreskate taldeetako kideak bertaratu ziren, baita Guardia Zibilaren helikopteroa ere. Medikuak heriotza baieztatu zuen.
Hilotza Jacara eraman zuten, autopsia egiteko.