Gizartea -
Gasteizen
Emakume bat eskaileretatik erori da, erasotzailearengandik ihes egiten ari zela
Bere bikotea atzean uzten saiatzen ari zen, jo egin zuelako, "oso izututa eta kolpatua izatearen seinale argiekin".
Agentziak | Erredakzioa
33 gizon bat atxilotu du Gasteizko Udaltzaingoak, bere bikotea erasotzea leporatuta. Emakumea etxeko eskaileretatik erori da, ustezko erasotzailearengandik ihes egiten ari zela.
Igandean, 6:30etan, 092 telefono zenbakira egindako dei batek erasoaz ohartarazi zuen, Zabalgana auzoko etxebizitza batean.
Berehala bertaratu ziren poliziak, eta iristean, biktima eskaileretatik behera ikusi zuten biktima, ihes egiten ari zela, "oso izututa eta kolpatua izatearen seinale argiekin", Udaltzaingoak informatu duenez.
Emakumeak poliziari esan duenez, bikoteak jo egin zuen, eta ez zion etxetik irteten uzten.
Gizona atxilotu zuten poliziek. Eztabaida bat izan zutela onartu du, baina ez jo egin zuela. Beste polizia talde batek ospitalera eraman zuten biktima, lesioak artatu ziezazkioten.