Itxi

2018/08/17

19:14

Gizartea

Asturias

Llaneseko IUko zinegotzia kolpe bortitzen eraginez hil zela baieztatu du autopsiak

Agentziak | Erredakzioa

Oraindik ez dira hilketaren arrazoiak ezagutzen, baina Guardia Zibilak zinegotziaren bizilagunak eta inguru hurbilena galdetzen jarraitzen du, gertatutakoa argitzeko asmoz.

Llanes
  • Whatsapp
  • Whatsapp
  • Telegram
  • Bidali

Javier Ardines IUko zinegotzia buruan eta garondoan jaso zituen kolpe bortitzen eraginez hil zen atzo, bere etxetik 300 bat metrotara, autopsiak ostiral honetan baieztatu egin duenez. Izan ere, Llanesen, bere autoaren ondoan, hilik aurkitu zuten IUko zinegotzia.

Asturiaseko Justizia Auzitegi Nagusiak ohar baten bidez jakitera eman duenez, autopsiaren behin-behineko emaitzen arabera "kolpe bortitzen eraginez" hil zen 52 urteko zinegotzia. Oraindik ez dira hilketaren arrazoiak ezagutzen, baina Guardia Zibilak zinegotziaren bizilagunak eta inguru hurbilena galdetzen jarraitzen du, gertatutakoa argitzeko asmoz.

Llaneseko lehen instantziako epaitegiak bere gain hartu du ikerketa, eta autopsiaren behin-behineko emaitza jaso du jada. Ikerketa martxan dago, baina lehen datuen arabera, etxera zihoala autotik jaitsi behar izan zen, errepide erdian zegoen oztopo bat kentzeko. Antza denez, une horretan kolpe bortitzak jaso zituen buruan eta garondoan.

Arrazoi horregatik, Guardia Zibilak zinegotziaren bizilagunak eta inguru hurbilena galdetzen jarraitzen du, gertatutakoa argitzeko asmoz.

Llanesen, bere autoaren ondoan, hilik aurkitu zuten, buruan hainbat kolpe zituela.

Hasieran bihotzeko batek jota hil zela pentsatu bazuten ere, geroago ikusi zuten gorpuan zituen kolpeak ez zetozela bat eroriko batek eragindako heriotzarekin. Oraindik ez dira hilketaren arrazoiak ezagutzen.

  • Bisitatuena

      Kargatzen ikusiena
      Kargatzen ikusiena
    ;