Suak nekazaritzako 15 pabiloi kiskali ditu Samaniegon

Araban, sute batek 15 nekazaritza pabiloi kiskali ditu Samaniegon, Eusko Jaurlaritzako Segurtasun Sailak jakinarazi duenez.

03:40 aldera piztu da sua, El Portillo kalean, oraindik argitzeke dauden arrazoiak tarteko. Antza denez, pabiloi batean hasi dira garrak, eta ingurukoetara zabaldu dira gero. Dena den, ez da inor zauritu.

Arabako eta Errioxako suhiltzaileak bertaratu dira sua itzaltzera, eta orduak behar izan dituzte sua mendean hartzeko.