Gizartea -

Azken 15 urteotan

Hizkuntza-eskakizuna betetzen duten Osakidetzako langileak seikoiztu egin dira

15.000 langilek parte hartu dute Osakidetzak ordaindutako euskalduntze-ikastaroetan. Bestalde, 240.000 erabiltzailek euskara aukeratu dute Osakidetzarekin harremanak izateko.

Osakidetzako egongela. ETBren bideo batetik ateratako argazkia
Hainbat lagun itxaroten, Osakidetzako egongelan
Osakidetzako egongela. ETBren bideo batetik ateratako argazkia

Agentziak | Erredakzioa

Whatsapp Facebook Twitter Telegram Email

Azken 15 urteotan seikoiztu egin da lanposturako hizkuntza-eskakizuna betetzen duten Osakidetzako langileen kopurua. Orain dela 15 urte, langileen % 7,6k betetzen zuten hizkuntza-eskakizuna, eta egun, berriz, % 46,6 dira eskatzen zaiena betetzen dutenak, Osasun Sailak, Euskararen Eguna dela eta, jakitera eman duenez.

Erabiltzaileen lehentasunezko hizkuntza-erregistroa 2017an abian jarri zutenetik, 240.000 lagunek euskara aukeratu dute Osakidetzarekin harremanak izateko. Bestalde, erabiltzaileek 6,5ko nota eman diote Osakidetzako langileek euskaraz ematen duten zerbitzuari.

Osakidetzan Euskararen Erabilera Normalizatzeko 67/2003 Dekretuari esker, "euskararen erabilpenean aurrera egin dugu, pixkanaka, baina gelditu barik", esan du Jon Darpon Osasun sailburuak.

Dekretua onartu zenetik, gainera, 15.000 langilek parte hartu dute Osakidetzak ordaindutako euskalduntze-ikastaroetan.

 

Hau zure interesekoa bada, baliteke beste gai hauek ere izatea
Euskaraz Osakidetza Lana Gizartea Eguneko albisteak Albisteak