Gizartea -
Zeropeko tenperaturak
Asteartera arte luzatu dute izotzagatiko abisu horia barnealdean
Hirugarrenez jarraian -8 graduko tenperaturak izan dira. Abisua astearteko 10:00ak arte egongo da martxan Araban.
Agentziak | Erredakzioa
Euskalmetek asteartera arte luzatuko du abisu horia, muturreko tenperatura baxuengatik eta izotzagatik barnealdean, izotz txikia egingo baitu, bereziki Araban.
Segurtasun sailak informatu duenez, abisua igandeko 20:00etatik aurrera egongo da aktibatuta. Gauean izotz txikia izango da barnealdean. Astelehenean, 10:00ak arte iraungo du abisuak, izotz txikiagatik barnealdean.
Arabako zenbait lekutan handia izan liteke. Azkenik, asteartean 00:00etatik 10:00ak arte mantenduko da abisua, izotz txikiagatik Araban.
Nafarroako Foru Erkidegoan, Aemetek astelehenean mantenduko du abisu horia tenperatura baxuengatik, Kantauri isurialdean eta erdialdean. Orokorrean, izotz txikia izango da lurralde osoan, Erriberan izan ezik.
8 gradu zeropean, hirugarren egunez jarraian
Igandean, termometroak zero azpitik izan dira, batez ere Araban. Minimoak hurrengoan izan dira: Urizaharreko Pagoetako estazioan (-8,6 gradu), Barrundia (-8,2); Agurain (-8,1) eta Otxandio eta Abetxuko (Gasteiz) -7 gradurekin.